یول لار

یول لار یاخین

یول لار اوزاق،

یول لار انسانلاری

                                     انسانلار یئتیریر؛

یول لار انسانلاری

                                    انسانلاردان اوزاق سالیر ،

هر انسان اؤز یوردوندان اوزاقلاشیر

                                                                   یئنه یاخنلاشیر؛

انسانلاری قارا توپراغا  تاپیشیریرلار،

یول لار قالیر

گئجه لر یول لار قارالیر،

یاغیر- یاغیر

                               آغیر – آغیر

یول لاری قار آلیر،

انسانلار گؤزو یول لاردا   قارالیر،

انسانلار گئدیر

                            یول لاردا   ایزی قالیر،

آغلاشماق ، گولوشمک قالیر

                                                   خاطره لر قالیر ...!

داود  اهری